Үндэсний статистикийн хороо энэ сарын эхний байдлаар Улаанбаатар хотын хүнсний зах, дэлгүүрт худалдаалагдаж байгаа хүнсний гол нэрийн бараа, бүтээгдэхүүний үнийн судалгааг хийжээ. Үнийг өмнөх сарын дундаж үнэтэй харьцуулахад 3.3 хувь, өмнөх долоо хоногийнхтой харьцуулахад 1.7 хувиар тус тус өссөн байна.
Сарын эхэнд хонины /ястай/ махны үнэ дунджаар 3875 төгрөг, үхрийн мах /ястай/-4563 төгрөг, ямааны мах-3040 төгрөг, адууны мах-3260 төгрөг, хонины цул мах-4086 төгрөг, үхрийн цул мах-5075 төгрөгийн үнэтэй байжээ. Махны үнэ бага зэрэг өссөн ч гурилын үнэ буурсан судалгаа гарсан байна. “Алтан тариа” ХК-ийн задгай дээд гурилын үнэ 0.6 хувь, I зэргийн гурилын үнэ 1.5 хувь, савласан I зэргийн гурилын үнэ 0.3 хувиар буурсан байна. Бусад гурилын үнэ тогтвортой байгаа ажээ.
Б.СҮРЭН