Монголын үйлдвэрчний эвлэлийн холбоо /МҮЭХ/-ноос удаа дараа шаардлага хүргүүлсний дагуу Хөдөлмөр, нийгмийн зөвшилцлийн Үндэсний гурван талт хороо өнгөрсөн мягмар гаригт хуралдаж, эхний ээлжинд цалин, тэтгэврийг нэмэгдүүлэх тухай асуудлыг Засгийн газрын хуралдаанаар шийдвэрлүүлэхээр бэлтгэл ажил хангах чиглэл гаргасан юм. Үндэсний гурван талт хороо өнөөдөр 17.00 цагт дахин хуралдах бөгөөд энэ удаад эмч, багш зэрэг зарим мэргэжлийн цалинг нэмэгдүүлэх талаар хэлэлцэж, тодорхой шийдвэр гаргахаар төлөвлөжээ. 

Дашрамд, Хөдөлмөр, нийгмийн зөвшилцлийн Үндэсний гурван талт хороонд МҮЭХ, Засгийн газар, Ажил олгогч, эздийн холбооны төлөөлөл багтдаг бөгөөд энэ хороог Хөдөлмөрийн сайд Я.Санжмятав ахалдаг билээ.