“Өөрчлөлтийн төлөөх залуу эмэгтэйчүүд” төрийн бус байгууллагаас Хууль зүйн яамны дэмжлэгтэйгээр зохион байгуулж буй “Жендерт суурилсан хүчирхийллийн эсрэг аян”-ыхаа эмэгтэйчүүдийн эсрэг хүчирхийллийг таслан зогсоох, түүнд олон нийтийн анхаарлыг хандуулах, охид эмэгтэйчүүдэд ээлтэй орчныг бүрдүүлэх зорилготой “Шөнийг гэрэлтүүлье!” тайван жагсаалыг өчигдөр орой зохион байгуулсан байна. Жагсагчид “гэртээ харих замыг аюулгүй, гэрэлтэй байлгах. Эмэгтэйчүүдийн эсрэг хүчирхийллийг таслан зогсоох шаардлагатай байгаа” тухай уриа лоозонг барьцгааж гар чийдэн, гар утасны гэрэл гэх мэт гэрэл гаргах хэрэгсэлтэйгээр тайван жагсаал хийн алхсан аж.

Энэхүү жагсаал Сонгинохайрхан дүүргийн нутаг дэвсгэрт байрлах Их наран буюу дунд буудал чиглэлд болсон бөгөөд өмнө гэр хороололд жагсаал, цуглааныг зохион байгуулж байгаагүй гэдгээрээ онцлогтой гэнэ.