Хойд Солонгост өнгөрсөн хоёрдугаар сард христийн итгэгчдийн хамтаар аялж яваад баривчлагдсан Австралийн иргэн Жон Шорт удахгүй суллагдах талаар “KCNA агентлагт мэдээлжээ. Пхеньяний албаныхны мэдээлснээр Жон Шортыг өндөр нас болон гэмээ ухамсарлаж, хүлцэл өчсөнийг нь харгалзан суллаж, эх орноосоо хөөн гаргахаар болсон байна.

Үүнээс өмнө өнгөрсөн долоо хоногт Австралийн Гадаад хэргийн сайдын зүгээс Хойд Солонгост өөрийн Элчин сайдын яамгүй учир Жон Шортын талаар ямар нэгэн мэдээлэлгүй байгаагаа мэдэгдэж байсан юм.

Жон Шорт нь Хонгконгод амьдардаг бөгөөд өнгөрсөн сарын дундуур /II.15/ Хойд Солонгосыг зорьсон аж. Гэвч тэрээр Пхеньянд байрлах зочид буудлын өрөөнөөсөө баривчлагдан хоригджээ.