Суваг солив. УИХ-ын хоёр гишүүн ам хуурайгүй ярьж сууна. Сувгаа дахиад солив. УИХ-ын гурван гишүүн тачигнатлаа инээчихсэн ярьж сууна.

Сувгаа гурав дахь удаагаа солив. Чуулганы танхим гарч байна. Гишүүдийн олонх нь ал­га. Хэлэлцэж буй асуудлын та­лаар хэлэлцэх яриа хөөрөө байхгүй бололтой. Чимээ алга.

Сувгаа дөрөв дэх удаагаа солив. Хөтлөгч залуу “Манай нэвтрүүлгийн энэ удаагийн зочноор УИХ-ын гишүүн А, Б, В нар хүрэлцэн ирээд байна…”.

Дундрашгүй ярианд нь дуусах ч шинж алга. Яриаг нь сонсвол, хоорондоо зөрчилдөж байна. Нэг нь нөгөөгөө өмөөрч байгаа бололтой. Нэг нь гүйцэтгэх засаглалыг магтаж байна. Нөгөөх нь муулж байна.

Тэгтэл гэнэт нэг гишүүн нь “Энд нээрээ саяхан эрийн сайндаа олж авсан нууц мэдээллийг задалъя. Үзэгчид энэ талаар шууд нэвтрүүлгийн үеэр мэдсэн учраас нэхэж, шаардаж учрыг нь олох байл­гүй” гэж цочир сонин мэдээ дуулгав. Нөгөөдүүл нь “Пүү, паа бас ингээ юу” гэж уулга алдав. Зарим нь айж,  ичин улаа бутарч, бантсандаа эгээтэй л “Нэвтрүүлэг дуу­сах цаг болсон байна. Баяр­тай үзэгчид ээ” гээд хөт­лөгч залуугийн дүрд тоглочихсонгүй.

Тэгээд би “Өдөр төрийн ордонд харагддаггүй ги­шүүд зурагтаар яриад байхыг бо­доход хуулийг УИХ-ын чуул­ганы танхимд ярилца­хаас илүү олны нүдний өмнө, камерын дурангийн хяналтад яривал Монгол Улсад илүү хэрэгтэй байдаг юм байх даа” гэж бодлоо. Түүндээ ч итгэв. Тэгээд УИХ-ын дарга Д.Дэмбэрэл болон эрхэм гишүүдэд хандаж “Засгийн газар говийн элсэнд хуралдаж болоод байсан юм чинь УИХ-ын танхимыг Монголын олон нийтийн радио телевизийн 600-ийн студи руу нүүлгэе” гэдэг хүсэлт тавихаар шийд­лээ. Учир нь, гишүүдэд теле­визийн студидэд хуулийн ту­хай ярилцах нь таалагдаад байхад хүсэл сонирхлыг нь хааж, хүчээр Төрийн ордонд барьж, цагдах хэрэггүй бо­лолтой. Болгоон шийдэж өгөөрэй, УИХ-ын дарга аа.

Гишүүд ч үүнд баярлана даа. Баярласандаа чуулганы хуралдааныг таслахаа болих байх шүү.

Зохиогчийн эрх:
"Улс төрйин тойм" сонин