Стрессийн үндсэн шинж тэмдгүүд

Хуучирсан мэдээ: 2011.05.06-нд нийтлэгдсэн

Стрессийн үндсэн шинж тэмдгүүд

Түр зуурын сэтгэлийн хямралыг стресс хэмээн андуурах явдал түгээмэл. Сэтгэлийн хямралыг хувь хүн өөрөө эмчилж болно. Харин стресс амаргүй. Урт удаан хугацаанд үргэлжилдэг бөгөөд шинж тэмдгүүд нь цаг мөч тутамд мэдрэгддэг. Хамгийн аюултай нь хор нөлөө ихтэй. Өдөр тутмын хэвийн амьдралтайгаа хөл нийлүүлэн алхахад төвөгтэй болдог. Системтэй эмчилгээ, амралт хэрэгтэй. Стресст аажмаар нэрвэгдэж байгаагаа мэдэхгүй явсаар бүр ноцтой байдалд хүргэдэг гэм бий. Ингэхэд стрессийн шинж тэмдэг юу вэ?

-Байнгын уур, уцаар, түгшүүртэй болох, амьдрал утгагүй санагдах

-Итгэл найдвар тасарсан, ганцаардсан, үнэ цэнгүй болсон мэт санагдах

-Уйланхай болох

-Бүх зүйлд түүртэж, бачимдах

-Амархан ядрах, эрч хүчгүй болох

-Аливаа олон нийтийн арга хэмжээнд дургүй болох, хоббигоо орхих

-Төвлөрч чадахгүй, мартамхай болох

-Шийдвэр гаргахдаа хэт эргэлзэх

-Хэт их унтах, эсвэл нойргүйдэх

-Хоолны дуршил байхгүй болох, эсвэл хэт их идэх

-Үхмээр санагдах

-Толгой байнга зовиурлаж өвдөх, гэдэс хямрах

Эдгээр шинж тэмдэг танд илэрч байвал эмчид даруйхан хандаж, ажил амралтаа зохицуулах шаардлагатай гэдгийг анхаараарай.

NewsMN Гар утасны хувилбар Татах
NEWS.mn

Мэдээллийн эх сурвалж