Өнгөрсөн хоёр ч бямба гаригт туйлын абсурд хэмээх тодотголтой нэрт зохиолч Ионескогийн “Сандлууд” жүжгийг үзэгчдэдээ толилуулсан Black Box театр энэ бямба гаригт харин реалист жүжиг тоглох гэж байна. Оросын утга зохиолд, тэр дундаа жүжгийн зохиолын салбарт дуулиантайгаар орж ирсэн залуу зохиолч Дмитрий Богославскийн “Хүн хүний хайр” жүжиг энэ сарын 22-ны 20.00 цагт тоглогдоно.

Мянга мянган үзэгчийг театрын танхимд уйлуулсан энэ жүжиг хайр хүний сэтгэлд алтан нарыг мандуулдаг ч, заримдаа өвлийн жаврыг зүрхэнд хургуулж чаддаг тухай өгүүлнэ. Жаварт хайрагдсан зүрх зуныг хүснэ. Зун ирэхгүй даанч их удна…