Тус аймагт таван
барилга царцаасан обьектийн жагсаалтад орсон бөгөөд үүнд 640 хүүхдийн багтаамжтай сургууль, 150 хүүхдийн цэцэрлэг, 2.5 тэрбум төгрөгийнтөсөвт өртөг бүхий Сэлэнгэ мөрний явган гүүр, нутгийн удирдлагын ордон гэсэн
обьектууд оржээ.

Улсын Их Хурлын гишүүн, УИХ дахь Ардчилсан намын
бүлгийн дарга
Д.Эрдэнэбат орон нутгийн удирдлагууд болон холбогдох байгууллагын төлөөллүүдийн хамт эдгээр барилгуудыг
биечлэн үзэж, танилцсаны дараа булганчуудтай уулзаж, царцаасан объектуудыг цаашид
хэрхэх талаар ярьсан байна. Тэрээр 2.5 тэрбум төгрөгийн төсөвт өртөг бүхий Сэлэнгэ мөрний явган гүүр, нутгийн удирдлагын ордны барилгын тухайд шүүмжлэлтэй хандаж байв. Явган
гүүрийг анх
голын хоёр талд байгаа багийн иргэд, сумын төв хоёрыг холбох зорилгоор
барьж эхэлжээ. Гэтэл тэрхүү багийн иргэдийн засаг захиргааны харъяаллын асуудлыг заавал голын нөгөө талд байгаа суманд биш харин тус багийн байрлаж
байгаа нутаг дэвсгэрт оршиж байгаа суманд шилжүүлснээр асуудлыг гүүр барилгүйгээр шийдэх гарц байгааг
гишүүн Д.Эрдэнэбат онцлон
хэллээ. Харин газар тариалангаа хөгжүүлж, тариа будаагаа
Сэлэнгэ мөрнөөр тээвэрлэх бодит шаардлага хэрэгцээ байна гэдгийг
гарцаагүй тогтоосон нөхцөлд явган гүүр биш автомашины гүүр барих хэрэгтэйг
аймгийн удирдлагуудад тэрээрсануулжээ хэмээн УИХ-ын Хэвлэл мэдээлэл, олон нийттэй
харилцах хэлтэс мэдээлэв.