ГССҮТ-ийн захирлаар Ц.Энхбаярыг томилсон ч хамт олон нь хүлээж авахгүй шалтгаанаар эсэргүүцэл зарласан учраас дахин сонгон шалгаруулалт хийхээр болж өнөөдөр дөрөв дэх удаагаа шалгаруулалт хийх гэж байна.

Гэмтлийн эмнэлгийн захирлыг яамны харъяа бусад эмнэлгийн захирлуудын хамт 2013 оны нэгдүгээр сарын 19-нд ажлаас чөлөөлснөөс хойш тус эмнэлэг өнөөг хүртэл жил гаруйн хугацаанд хууль ёсны захиралтай болоогүй бөгөөд Ц.Энхбаяр захирлыг түр орлон гүйцэтгэгчээр ажиллаж байсан юм.

Сонгон шалгаруулалтанд оролцогчдын материалыг энэ сарын 12-ныг хүртэл хүлээн авчээ. Харин ямар хүмүүс сонгон шалгаруулалтанд оролцож байгаа эсэх нь одоогоор тодорхойгүй байна. ГССҮТ-ийн эмч, ажилтнууд шалтгаангүйгээр дахин халаа сэлгээ явуулсан гэж өнгөрсөн долоо хоногт мэдээлэл хийж байсан бол захиргааны зүгээс ямар нэгэн халаа, сэлгээ хийгээгүй гэж мэдэгдсэн юм.