Хөнгөн атлетикийн шигшээ багийн тамирчин, дэд мастер Түвшинбатын Цэндтэй ярилцлаа.

-2007 онд долоодугаар ангиасаа со­нирхлоороо хөнгөн атлетикаар  хичээллэсэн. Бүх спортын хатан хаан болсон спортын төрөлд тамирчдын ур чадвар гээд бахархмаар зүйл олон.

-Та хөнгөн атлетикийн аль зайнд уралддаг вэ?

-Ихэвчлэн 200, 400 метрт уралддаг. Бас энэ зайных буу­хиа­ны төрөлд байдаг. Тэмцээний дараа шагналаа аваад зогсож байх мөч сайхан шүү.

-Анхны тэмцээнийхээ талаар дурсвал?

-Өсвөрийн аймгийн аварга шалгаруулах тэмцээнд ороод алтан медаль хүртэж байлаа. Анх тэмцээнд орохынхоо өмнө их сандарч байсан шүү.(Инээв)

-2013 онд Азийн аварга шал­гаруулах тэмцээнд оролцоод ирсэн байх аа?

-Тиймээ. Өөрийн орсон 400 метрийн зайд багаараа тавт ор­сон амжилттай нутагтаа ирсэн. Олон улсын чанартай тэмцээнд оролцоход бэлтгэл сургуулалт, сэтгэл зүйн байдал гээд олон талаасаа өөрийгөө их бэлддэг.

-Азийн аварга шалгаруулах тэмцээний шалгуурыг яаж биелүүлсэн бэ?

-2013 оны улсын аварга шалгаруулах тэмцээний эхний хоёр байранд орсон тамирч­дыг азийн аварга шалгаруулах тэмцээнд явуулна гэж байсан. Би 400 метрийн төрөлд нэгдүгээр бай­ранд орж тэмцээнд явах болз­лоо хангаж бэлтгэлээ үргэлж­лүүлж байлаа.

-Шигшээ багийн тамирчин, бэлтгэл сургуулилтаа хаана хийдэг вэ?

-Биеийн тамирын сургууль дээр өдөрт хоёр удаа бэлтгэл хийдэг.

-Одоо ямар тэмцээнд орохоор бэлтгэл хийж байна?

-Насанд хүрэгчдийн улсын аварга шалгаруулах болон бусад улсын чанартай тэмцээнүүдэд бэлдэж байгаа.

-Ганц хөнгөн атлетикаар хичээллэдэг үү. Өөр ямар төр­лийн спорт сонирхдог вэ?

-Хичээллэдэг гэхээс илүү өөрөө сонирхож сургууль дээрээ Сагсан бөмөг, Волейвол, Ганд­бол гээд багийн төрлийн спорт сонирхож хичээллэдэг.

-Энэ спортын төрлүүдээр тэмцээнд орж байв уу?

-Орж байсан. 2013онд Гандболын насанд хүрэгчдийн улсын аварга шалгаруулах тэмцээнд орж багаараа хүрэл медаль, би  шилдэг довтлогч шагнал авсан.

-Тал талын авьяастай та­мирчин байна. Баяр хүргэе.

-Баярлалаа

-Оюутан гэсэн, аль сургуульд ямар мэргэжлээр сурч байна?

-Биеийн тамирын сургуулийн, биеийн тамир, эрүүл мэндийн багшийн ангид сурч байгаа. Энэ жил төгсөнө.

-Сургуулиа төгсөөд юу хийе гэж бодож байна. Залуу хүн мэдээж зорилготой мөрөө­дөл­тэй байгаа. Мөрөөдлөөсөө хуваалцаач?

-Мэдээж мэргэжлээрээ ажил­лаж, хөнгөн атлетикийн дас­галжуулагч хийнэ гэж бодож байна. Мөрөөдөл гэвэл Азийн болон дэлхийн томоохон тэм­цээнүүдэд амжилттай оролцож Монголынхоо нэрийг дэлхийн тавцанд цуурайтуулсан сайн тамирчин болохыг хүсэж байна.

Эх сурвалж: "УЛС ТӨРИЙН ТОЙМ" сонин