Зам тээврийн яамны гадаах талбайд өлсгөлөн зарлаад байсан жолооч нар өлсгөлөнгөө зогсоожээ. Өлсгөлөн зарласан жолооч нарын хувьд Зам тээврийн сайд А.Гансүхэд хандан “Орхон аймгаас Улаанбаатар хотын чиглэлд хот хоорондын үйлчилгээ эрхлэх зөвшөөрөл авсан компанийн 50 хувь нь тухайн орон нутгаасаа сонгон шалгарах талд анхаарал хандуулаач” гэх хүсэлт тавьж ирсэн аж. Гэвч салбарын яамнаас ямар нэг арга хэмжээ аваагүй байна.

Улмаар дээрх иргэд хот хооронд зорчигч тээвэрлэх боломжгүй болсон аж. Гэтэл банкнаас нэлээд хэмжээний зээл авчихсан, түүнийгээ төлөхийн тулд хуучин эрхэлж байсан хот хоорондын тээврийн үйлчилгээнд явах сонирхолтой ч зөвшөөрөлгүй тул ажил нь зогссон аж. Арга буюу өлсгөлөн зарлахдаа тулсан байна.

Харин УИХ-ын гишүүн О.Содбилэг, УИХ-ын дэд дарга Л.Цог нар өчигдөр дээрх жолооч нартай уулзсанаар өлсгөлөнгөө зогсоожээ.