-Баяр хүргэе, Отгоо. Цомгийнхоо талаар танилцуулаач?

-Баярлалаа. “Tentones” миний бие даасан хоёр дахь цомог,  10 дуутай. Хамгийн онцлох зүйл гэвэл би энэ цомогтоо орсон бүх дууны үг, аяыг өөрөө зохиолоо.

-Мундаг байна шүү, мэдээж “Нэгэн залуу” байгаа биз дээ?

-Байлгүй яахав.

-Бусад дууг нь бол сайн мэдэхгүй байна. Яагаад цомгоо гаргахынхаа өмнө тэр дуунуудаа олонд хүргээгүй юм бэ?

-Бодлогоор…/инээв/. Ер нь хүмүүс тэгдэг л дээ. Эхлээд шинэ цомогт орох дуунуудаа олонд маш сайн хүргэдэг. Би ч бас тэгж бодож байсан л даа. Гэхдээ 10 дуунаас эхлээд нэгийг нь л хүмүүст хүргэчихээд тэр дороо цомгоо гаргавал гоё юм шиг санагдсан. Хүмүүс “Tentones”-ыг худалдаж аваад цоо шинэ дуу сонсох сонирхолтой байх болов уу гэж бодоод.

-Тийм ээ, тийм. Би л хувьдаа ямар дуу байгаа бол гэж их сонирхож байна шүү?

-Сониноос миний бүр 1996 онд зохиож байсан дуу орсон байгаа. Хамгийн анх өөрөө зохиож байсан дуу гэсэн үг л дээ. “Би ч үгүй” гэдэг нэртэй.

-Яагаад “үгүй” гэж. Ямар утгатай дуу вэ?

-Хэ хэ. Чи ингээд байх юм бол би ч бас үгүй….тэгэхгүй, ингэхгүй гэсэн утгатай дуу л даа.

-Тэгвэл энэ “Чамд зориулъя” гэж хэнд зориулсан дуу вэ?  

-Хэнд ч юу байхав, хоорондоо суухаар шийдчихсэн байгаа хүмүүст зориулсан дуу. Дурлалт хосуудад.

-“Цаг хугацаа”, “Хайр дурлалын боол”, “Хорвоогийн нэг хэсэг”, “Үлгэр”, “Бейсбол малгай”…Дууны чинь нэрнүүд нь ер нь их өвөрмөц юм аа?

-Өвөрмөц юм шиг мөртлөө, их энгийн гэж би бодож байгаа. Ер нь надад ямар ч зүйл энгийн байх нь сайхан санагддаг.

-Ингэхэд шинэ цомгоо хэзээ гар дээрээ авав?

-Энэ даваа гаригт. Өнгөрсөн…

-Ингэхэд бичлэгээ хаана хийлгэсэн бэ?

-“B” продакшны 440hz студид. Аранжировшик болон продюссероор “Oceans 11” хамтлагийн Буянаа, Золбоо хоёр ажилласан.

-Ингээд хоёр ч цомогтой болчихож байгаа юм чинь Отгоо бие даасан тоглолтоо хийх хугацаа дөхөж байгаа байлгүй дээ?

-Харин сүүлийн үед тэр талаар бодож байгаа. Ерөнхийдөө энэ ондоо багтааж тоглолтоо хийе гээд шийдчихсэн байгаа л даа. Арванхоёрдугаар сарын эхээр хийх болов уу гэж бодож байна. Би 2004 онд “MUSE” клубт “Live mini concert” гэж хийж байсан болохоос яг том хэмжээний тоглолт хийж байгаагүй л дээ. Гэхдээ одоо зориглоод тоглолтынхоо бэлтгэл ажилд орно доо.

-За амжилт хүсье.

-Баярлалаа

/2007 оны 10 сарын 18/