Урлагийн гавьяат зүтгэлтэн, найруулагч И.Нямгаваа шавь нартайгаа хамтран “Хязгааргүй” нэртэй уран сайхны кино бүтээжээ. Киноны продюсероор жүжигчин М.Дорждэрэм ажиллаж,  “ТВ котейль” хамтлагийн жүжигчин Н.Цэнд-Аюуш, жүжигчин М.Дорждэрэм, У.Пүрэвжав нар гол дүрд тогложээ. Туслах дүрүүдийг Ц.Цэрэнболд, Д.Бямбацогт, Б.Шинэбаяр, Б.Гарамханд, Н.Ууганбаяр, Б.Баярсайхан, Ж.Саранбат, Ж.Дөлбадрах, Т.Пүрэвжаргал, А.Ононгоо, Д.Баярням нарын найруулагч И.Нямгаваагийн гарын шавь нар амилуулсан байна. 

Түүнчлэн уг бүтээл нь И.Нямгаваагийн шавь нарын хамтран байгуулсан “Гэрэл медиа” студийн анхны бүрэн хэмжээний уран сайхны кино болж байгаа юм. Киноны нээлтийн тов хараахан зарлагдаагүй байгаа ч гуравдугаар сард багтааж нээх бололтой.