Өвлийн XXII олимпийн наадмын нээлтийн ёслолд оролцохоор Сочийг зорьсон Монгол Улсын Ерөнхийлөгч Ц.Элбэгдорж өчигдөр Олимпийн тосгонд зочилжээ. Тэрбээр Олимпийн тосгоны дарга М.Чудовтой уулзаж, улмаар МҮОХ-ны ерөнхийлөгч Д.Загдсүрэн тэргүүтэй Монголын баг тамирчидтай уулзаж, амжилт хүссэн байна. Харин орой нь Ерөнхийлөгч Монголын бусад төлөөлөгч, спортынхны хамт Английн хөлбөмбөгийн Премьер лигийн “Ливерпуль” vs “Арсенал” багийн тоглолтыг үзсэн гэнэ.