Монголын төр, нийгмийн зүтгэлтэн Д.Сүхбаатарын мэндэлсний 121 жилийн ойд зориулсан үзэсгэлэн Монгол Үндэсний Музейд хоёрдугаар сарын 7-14-ний хооронд дэлгэгдэхээр өнөөдөр нээлттэй хийлээ.

Үзэсгэлэнд тус музейн сан хөмрөгт хадгалагдаж буй Д.Сүхбаатарын отго жинст малгай, хөлт магнаг дээл болон зэр зэвсэг, урлагийн бүтээлүүд, одон, уран зураг, баримал гээд 47 үзмэр тавигдсан бол О.Баатарын цуглуулгаас гэрэл зураг, өргөмжлөл, альбом, марк, зоос мөнгөн тэмдэг гээд 160 зүйлс тус үзэсгэлэн дээр тавигсан байна.