Дэлхийн эрүүл мэндийн байгууллагын мэргэжилтнүүдийн тооцоолсноор ойрын 20 жилд хорт хавдрын өвчлөлт 70 хувиар нэмэгдэх гэнэ. ДЭМБ-ын сүүлчийн тайланд энэ тухай өгүүлжээ.  Хорт хавдрын шинээр өвчлөлт нь 2012 оны 14 саяас 25 сая хүртэл нэмэгдэх гэнэ. Амьжиргааны төвшин дунд болон түүнээс доош үзүүлэлттэй орнуудад өвчлөлт нэмэгдэх хандлагатай байгаа аж.

Мэргэжилтнүүд хорт хавдрын хоёр төрлийг онцолж байна. Халдварын улмаас савны хүзүүвчийн хорт хавдар нэмэгдэнэ. Мөн тамхи, архи, буруу хооллолт зэрэг амьдралын хэв маягтай холбоотой хорт хавдрын төрөл  ихсэх ажээ.

Өдгөө эрчүүдийн дунд уушгины хорт хавдар их байгаа аж. Эмэгтэйчүүдийн хувьд хөхний хорт хавдар тусах нь элбэг байна. Мөн бүдүүн гэдэсний, түрүү булчирхайн болон ходоодны хорт хавдараар өвчлөгчдийн тоо нэмэгдэж байгаа юм.