Өнгөрсөн долоо хоногт  буюу дөрөвдүгээр сарын 29-ний орой Монголын нефть импортлогчид бүгд бензин, шатахууны үнийг 80 төгрөгөөр нэмсэн билээ. Тэгвэл хэрэглэгчдийн зүгээс  нэлээд бухимдал дагуулж буй шатахууны үнийн нэмэгдэлд нефть импортлогчид уян хатан хандаж эхэллээ. Тухайлбал, “Жаст ойл” ХХК  өнөөдрөөс эхлэн шатахууны үнээ 80 төгрөгөөр бууруулж, хуучин үнээрээ борлуулахаар болжээ. Тус компани өөрийн нөөц боломжид тулгуурлан, шатахууны үнийг нэмэх шаардлагагүй гэж үзэн ийм шийдвэр гаргасан байна.