Дорнод аймгийн төвөөс Сүхбаатар аймагт байгаа аав ээждээ золгохоор шинийн 2 буюу хоёрдугаар сарын 1-ний өдрийн 20:15 цагаас гэрээсээ гарсан таван хүн замдаа төөрч, хоёр аймгаас эрлийн баг гарч ажилласан юм.

Бид энэ талаар Сүхбаатар аймгийн холбогдох албаны хүмүүсээс  тодруулахад “Эрлийн багийнхан амжилттай ажиллаж, өнөө өглөө төөрсөн хүмүүсийг эсэн мэнд оллоо. Тэд машинтайгаа шуурганд төөрсөн байна. Хүмүүсийн биеийн байдал сайн байна" хэмээн мэдэгдлээ. Шуурганд төөрсөн хүмүүс аав ээждээ золгох гэж гарсан ахан дүүс бөгөөд гурван том хүн, хоёр хүүхэд байгаа ажээ. Тэд Toyota Kluger машинтай гэрээсээ гарсан байна.