УИХ-ын намрын чуулганы хуралдаан маргааш буюу нэгдүгээр сарын 30-нд завсарлахаар болсон байна. Намрын чуулган завсарлах хугацаа хоёрдугаар сарын 10-ны өдөр байсан ч Сар шинийн баяртай холбогдуулан маргааш завсарлуулах шийдвэрийг УИХ-ын даргын захирамжаар гаргажээ.

Зарим эх сурвалжийн мэдээлснээр сар шинийн баярын дараа ээлжит бус чуулганы хуралдааныг зарлан хуралдуулах бололтой. Учир нь 2014 оны Төсвийн тодотголын төслийг гуравдугаар сарын 1-ний дотор батлах хуультай. Тиймээс Сар шинийн баярын дараа ээлжит бус чуулган зарлаж, 2014 оны төсвийн тодотголын төслийг хэлэлцэн батлах төлөвтэй байгаа юм.