Хятадын хамгийн олон хэрэглэгчтэй, онлайн худалдааны сайт Alibaba.com-ыг эрхлэн гаргагч Alibaba групп гар утсанд зориулсан видео тоглоом бүтээж эхэлжээ. Тэд ийнхүү цоо шинэ салбарт хүч үзэх болсон нь Хятадын интернэт хэрэглэгчдийн тоо асар хурдацтай нэмэгдэж, гар утсандаа тоглоомын арр татах нь ихэссэнтэй холбоотой гэнэ.

Эхний ээлжинд гурван төрлийн тоглоом бүтээж, арр-аа хэрэглэгчдэд хүргэж эхлээд байгаа ба эдгээр тоглоомыг тоглож оноо цуглуулснаар Alibaba сайтаас худалдаа хийхдээ хөнгөлөлт урамшуулал авах боломжтой болж байгаа аж.

Компанийн зүгээс зар сурталчилгааны маркетинг ашиглан өөрсдийн бүтээсэн тоглоомоо олонд таниулснаар цаашид хэрэглэгчдийнхээ тоог нэмэгдүүлж чадна гэдэгтээ итгэлтэй байгаа гэжээ.