Орос улс байгалийн хийн үнийн талаарх Киевийн саналыг авч хэлэлцэхэд бэлэн байна гэж Ерөнхийлөгч Дмитрий Медведев өчигдөр мэдэгдсэн байна. “Бид байгалийн хийн асуудлыг ярилцах болно. Энэ бол Украйны хувьд амин чухал асуудал” гэж Украйны Ерөнхийлөгч Виктор Янукович Вашингтоны уулзалтын үеэр ярьсан. Тэрээр энэ асуудлаар тус хоёр улсын холбогдох яамдын сайд нар, засгийн газрын агентлагын дарга нартай уулзаж ярилцах хэрэгтэй гэж байр сууриа илэрхийлжээ.

Өнгөрсөн долоо хоногт Украйны эрчим хүчний Нефтогаз, Оросын эрчим хүчний Газпром компаниуд энэ онд Украйнд нийлүүлэх байгалийн хийн хэмжээг одоо байгаа 33.75 сая куб метр байгааг 36.5 сая куб метр болгож нэмэгдүүлэхээр болсон. Янукович ерөнхийлөгч хоёрдугаар сард Украйны ерөнхийлөгчөөр сонгогдож үүрэгт ажлаа хүлээн авсан бөгөөд Оростой харилцах харилцаагаа сайжруулж, ашигтай харилцаа хөгжүүлэхээр амлаж байсан юм. Украйны ерөнхий сайд Микола Азаров Оростой байгуулах гэрээний үнийг бууруулж чадна гэдэгт итгэлтэй байгаагаа өмнө нь мэдэгдэж байсан байна.

Т.Санаа