УИХ дахь Ардчилсан намын бүлэг Төрийн ордны “А” танхимд, УИХ дахь МАН-ын бүлэг “Б” танхимд тус бүр хуралдаж байна. УИХ дахь олонхийн бүлэг Соёлын өвийг хамгаалах тухай хуулийн төслийн шинэчилсэн найруулгаар ажлын хэсгийг мэдээллийг сонсох бол Монгол Улсын хөгжлийн зорилтын тухай хуулийн төсөлтэй холбоотойгоор Монгол Улсын Ерөнхийлөгчийн зөвлөх Ч.Өнөрбаяр танилцуулга хийх аж.

Мөн УИХ-ын дарга З.Энхболд, Ерөнхий сайд Н.Алтанхуяг нар бүлгийн гишүүддээ мэдээлэл хийхээр төлөвлөсөн байна. Түүнчлэн тус хуралдаанд Ардчилсан намын ерөнхий нарийн бичгийн дарга Ц.Оюундарь оролцож буй аж. Тэрээр нэгдүгээр сарын 19-нд Говь-Алтай аймагт болсон дахин сонгуультай холбоотойгоор мэдээлэл хийх бололтой.

УИХ дахь МАН-ын бүлэг мөн Говь-Алтай аймагт болсон дахин сонгуультай холбоотой асуудлаар мэдээлэл сонсох аж. Энэ хүрээнд сэтгүүлчдэд мэдээлэл хийх юм байна.