Умардууд кибер халдлагад буруутай гэв | News.MN

Умардууд кибер халдлагад буруутай гэв

Хуучирсан мэдээ: 2011.05.04-нд нийтлэгдсэн

Умардууд кибер халдлагад буруутай гэв

Өнгөрсөн дөрөвдүгээр сард Өмнөд Солонгосын Нунхёб банкны үйл ажиллагаанд кибер гадны халдлага болж, банкны үйлчилгээ гурван өдрийн турш хаагдаж, зарим кредит карт эзэмшигчдийн бүртгэл устсан. Харин энэхүү халдлагын ард Умард Солонгосын хакерууд байсан гэж Өмнөд Солонгосын прокурорын газар дүгнэжээ. Прокурорын газрын мэдээлснээр Нунхёб банкны системд нэвтэрсэн IP хаяг өмнө нь Умардаас үйлдсэн кибер халдлагын хаягтай таарч байгаа аж.
Дээрх хэргээс улбаалан АНУ болон Өмнөд Солонгосын засгийн газрын болон бусад санхүүгийн сүлжээнүүдэд халдсан кибер халдлагуудын бурууг Өмнөдүүд Умард Солонгост тохож байгаа бололтой. Солонгос улс 1950-аас 1953 оны хооронд үргэлжилсэн Солонгосын хойгийн дайны дараа 38 дугаар өргөргөөр өмнөд хойд хоёр хэсэгт хуваагдаж, одоог хүртэл харилцаа нь түнжин муутай байдаг. Ялангуяа 2010 оны гуравдугаар сард Өмнөд Солонгосын Чеонан байлдааны хөлөг онгоц Умардуудын явуулгаар живж, 46 хүн амиа алдсанд Өмнөдүүд ихэд шүүмжлэлтэй хандаж, тэр цагаас хойш өдгөө хүртэл харилцаа маш хурцадмал болоод байна.

Б.Энхцэцэг

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж