Хятад улс интернэт хэрэглээнд тавих хяналтаа улам чангаруулж, видео зураг мэдээлэл интернэтэд оруулахдаа заавал өөрийн жинхэнэ нэрээр бүртгүүлэхийг шаарддаг болжээ. Энэхүү шинэ журмыг энэ оны нэгдүгээр сарын 1-нээс эхлэн чандлан мөрдөхийг Засгийн газраас даалгасан байна.

Энэ нь зохиогчийн эрхийг хамгаалах, хэн нэгэн хүний нэр төрийг гутаах, хууль бус наймаа хийх, хэн нэгний нэрийг барьж залилан хийх зэрэг олон гэмт хэргээс урьдчилан сэргийлэх ач холбогдолтой хэмээн онцолсон байна.

Гэхдээ энэхүү журмыг нэн ялангуяа Засгийн газрын эсрэг ард иргэдийг өдөөн турхирах, бослого үймээн зохион байгуулах зэргээс болгоомжилж гаргасан хэмээн барууны шинжээчид үзэж байна.