Компьютерын чип үйлдвэрлэгч дэлхийн томоохон компани Intel нийт ажилчдынхаа 5 хувийг цомхотгох болсон тухайгаа мэдээлжээ.

Ийнхүү цомхотгол хийх болсон нь тус компанийн бүтээгдэхүүний борлуулалт буурч, ашиг багасч буйтай холбон тайлбарласан байна.

Суурин компьютерын зах зээл улим хумигдаж, ухаалаг гар утас, таблет зэрэг бүтээгдэхүүнд байраа тавьж өгч байгаатай холбоотойгоор тус компанийн бүтээгдэхүүний борлуулалт эрч буурч, энэ ондоо дахин өсөх хандлага ажиглагдахгүй байгаа аж.