Нийслэлийн хэмжээнд төрийн болон хувийн хэвшлийн аж ауйн нэгжийн 682  тээврийн хэрэгсэл үйлчилгээнд явах бүртгэлтэй байдаг аж. Үүнээс 560-570  нь өдөр бүр  үйлчилгээнд гардаг байна. Нийслэлийн нийтийн тээврийн газар,Хэрэглэгчдийн эрх ашгийг хамгаалах нийгэмлэг хамтран 560 том оврын автобусны үйлчилгээний соёл, ариун цэвэр,тасалбар түгээлт зэргийг өнгөрсөн сарын сүүлчээр шалгасан билээ.   Шалгалтаар автобусны  тасалбар түгээгч нар тасалбараа зорчигчдод түгээдэггүй, дүрэмт хувцсаа өмсдөггүй, харьцааны соёлын доголдол, автобусны гадна, дотны цэвэрлэгээ хангалтгүй, жолооч нар буудлыг зарлах арга хэмжээ авдаггүй зэрэг  нийтлэг дутагдал илэрсэн аж. Нийтийн тээвэрт үйлчилж байгаа автобусны гуравны хоёр нь хувийн хэвшлийнх байдаг байна. Одоогоор 287 автобусанд буудал зарлагч байрлуулжээ.  Гэвч автобусны жолооч нар буудал зарлагчаа ажиллуулдаггүй нийтлэг дутагдал илэрсэн гэнэ. Мөн буудал зарлагч нь хүчин чадлаа дийлэхгүй эвдэрсэн  тохиолдол ч байжээ. “Тиймээс цаашид бүх автобусанд буудал зарлагч байрлуулах нь зүйтэй.  Түүнчлэн 10-аас доош автобустай материаллаг бааз хангалтгүй  компанийн автобусыг нийтийн тээвэрт үйлчлүүлэхгүй байх талаар анхаарах хэрэгтэй. Мөн  нийтийн тээврийн  бодлогод өөрчлөлт орууулах шаардлага тулгараад байна” хэмээн   Хэрэглэгчдийн эрх ашгийг хамгаалах нийгэмлгийн тэргүүн С.Тойвгоо мэдээллээ.
Б.Анхаа