Иргэдийн байртай бо­лох гэсэн хүслээр жолоо цулбуураа хийж тэр хэ­рээрээ орон сууцны үнийг хөөрөг­дөж байдаг эрх мэдэлтнүү­дийн баг ма­най улсад байдаг нь барилгынхан. Манай ул­сын ууган салбар гэдгээ­рээ хөгжлийнхөө зам руу нэгэнт орчихсон баймаар гэж бодох барилгын тогоо руу өнгийх тусам л асуу­дал цухалзаж тэр хэрээ­рээ иргэдийг бу­химдуулж байдаг нь нэгэн­тээ ил болсон энэ салбарт өнөөд­рийг хүртэл тодорхой бод­лого, хариуцлагын тог­толцоо алдагдсан гэмээр. Байнга л ам.метрийн зө­рүү, сантехникийн эвдрэл, ца­хилгаан хаалга, шатны асуу­дал хөндөгдөж байдаг ба­рилгын компаниудын бос­го­сон “балгас”-уудтай хол­боо­той яриа иргэдээс та­сар­даггүй. Тэгвэл энэ мэт асуудлаар ШӨХТГ-т ирүүлсэн өргөдөл, гомдлын хариу болгож О.Магнай мэдэгдэл хийлээ. Тэгвэл энэ мэт асуудлаар ШӨХТГ-т ирүүлсэн өргөдөл, гомдлын хариу болгож О.Магнай мэдэгдэл хийлээ. Энэхүү гомдлын асуудлыг мөнгөн дүнд шилжүүлбэл 200 гаруй сая төгрөгийн өртөг бүхий асуудлыг шийдсэн байна. Цаашид энэ мэт иргэдийг хохироосон том толгой, эрх мэдэлтэй компанийн захирлууд нь сая саяар мөнгөө халааслаад хөлд нь иргэд үрэгддэг байдлыг хална. Барилга хот байгуулалтын яам, ЦЕГ, МХЕГ гэх мэт эрхийг нь цуцалдаг, хянадаг, шалгадаг эрх бүхий байгууллагуудтай бид хамтарна. Хаа хаанаа иймэрхүү хариуцлага нэхдэг болчихвол барилгын компаниудтай хол­боотой асуудлыг шүүхээр шийд­дэг болно. Манайд иргэдээс ирж буй гомдлын дийлэнхийг орон сууцныхаа ам.метрийн хэмжээг заагаагүй байхад нь гэрээгээ хийгээд байраа авчихсан тохиолдлууд эзэлээд байна. Өмнө нь иймэрхүү зөрчилтэй холбоотой томоохон шалгалт хийж байгаагүй болохоор барилга гүйцэтгэгч компаниуд талбайн хэмжээн дээр хайнга ханддаг байсан нь нууц биш. Тэгэхээр цаашид баригдах барилгуудтай холбоотой иймэрхүү асуудал гарахгүй болов уу. Дахиад бид дээрх зөрчилтэй холбоотой 180-аад гомдлыг шийд­вэрлэнэ. Иргэдийг хохиролгүй болгоно. Ажил дөнгөж эхэлж байна. Бидний зүгээс цаг хугацаа амлахгүй. Биднээс шалтгаалахгүй бэрхшээлүүд их байна. Юутай ч бид иргэдээ хохиролгүй болгоно” гэлээ.

Тэгэхээр даварсан барилгын ком­паниудын хөлийг тушиж, амыг хазаарлах нь ээ, О.Магнай дарга. Юм л бол “Магнай дарга аа, гээд л хов зөөдөг болсон хэвлэлийнхний хувьд хяналтаас гараад байсан барилгын салбар руу энэ мэтээр дайрч байгаа нь сайшаалтай.

Эхний ээлжинд зөрчил илэрсэн “Тектоник”, “Тайгам-Айлтай”, “Гангар-Инвест” зэрэг компаниудыг Хэрэглэгчийн эр­хийг хамгаалах хуулийн дагуу 10 сая төгрөгөөр торгоно гэж байлаа. 

Тэгэхээр юутай ч барилгын компаниудыг багалзуурдаж эхлэх нь дээ гэх хүлээлт үүсэв. Арга ч үгүй биз. Ашиглалтад ороод гурван намрыг ч үзэж амжилгүй “өвгөрч” эхэлдэг орон сууцны том том хотхон хорооллууд манайд бишгүй. Зундаа борооны ус гоожиж, өвөлдөө хаалга цонх­ноосоо цантаж, хавар намартаа мөөгөнцөртлөө, цахилгаан шат нь гацлаа, уналаа гэх мэт хүний эрүүл мэнд, амь насанд халтай зөрчлүүд хэдийнэ бидэнд танил сонсогддог болсоор удлаа. Тэгэхээр энэ бүхэнд О.Магнай даргын тусламжтайгаар цэг тавибал сайхан л байна.