Цагаан сарыг угтсан “Монголд үйлдвэрлэв” үзэсгэлэн худалдаа өнөөдөр “Мишээл экспо” болон “Дүнжингарав” худалдааны төвд нээлтээ хийсэн байна. Салбарын яамнаас өгсөн мэдээгээр энэ удаагийн яармагт ноос ноолуур, арьс шир, эсгий болон хүнс, гоо сайхны чиглэлийн нийт 500 орчим аж ахуйн нэгж оролцож байгаа аж. 

Сар шинийн өмнө үндэсний үйлдвэрлэлээ дэмжих үүднээс ҮХААЯ дээрх үзэсгэлэнг жил болгон зохион байгуулж хэвшээд байгаа бөгөөд өнгөрсөн 2013 онд гэхэд үзэсгэлэнгийн үеэр дөрвөн тэрбум төгрөгийн худалдаа хийгдсэн байна. Энэ нь жижиг, дунд үйлдвэрлэл эрхлэгчдэд томоохон хөрөнгө оруулалт, дэмжлэг болдог талаар ҮХААЯ-ны онцолж байна.