УИХ-ын дарга  Д.Дэмбэрэл  өнөөдөр Ховд  аймагт ажиллаж  байна.   “Монгол Мал үндэсний хөтөлбөр-Хөдөөгийн хөгжил” улсын зөвөлгөөний нэгдсэн семинарыг Ховд хотноо зохион байгуулж байна. УИХ-ын дарга энэхүү семинарт оролцохоос гадна Ховд аймгийн төвийн зарим байгууллагын үйл ажиллагаатай танилцах юм.

Ховд хотын төвд буй Амарсанаагийн нэрэмжит цэцэрлэгт хүрээлэн, шинээр баригдсан  Ахмадын өргөөний үйл ажиллагаатай танилцаж,  дараа нь Баруун бүсийн  Бурхан шашны төвд нээгдсэн  угсаатны зүй судлаач, багш А.Баасанхүүгийн “Ойрад соёлын зүгт”   уран бүтээлийн үзэсгэлэнг үзэж сонирхох юм. Мөн бүтээн байгуулалтын ажил өрнөж буй Залуучуудын цэцэрлэгт хүрээлэнгийн ажилтай танилцаад  үдээс хойш  Улаанбаатар хот руу буцах төлөвлөгөөтэйгээр орон нутагт ажиллаж байгаа гэнэ.