Apple компани Япон, Хонгконг, Солонгос, Сингапур болон бусад найман улсуудад өнгөрсөн долоо хоногоос эхлэн iPad 2 планшетийг худалдаалж эхэлсэн юм. Харин Өмнөд Солонгосын цахилгаан холбооны шилдэг оператор SK Telecom, KT компаниуд өнөөдрөөс эхлэн Apple-ийн iPad 2 планшетийг худалдаалахаа зогсоолоо. Учир нь шинэ загварын планшет худалдаанд гараад долоо ч хонолгүй нийлүүлэлтийн хомсдолд орсон байна.
Apple компани 2011 оны эхний улиралд зургаан сая орчим iPad планшетийг борлуулаад байгаа ч, Японд нүүрлэсэн гамшгийн улмаас планшет үйлдвэрлэхэд шаардлагатай эд ангиудын үйлдвэрлэл зогсоход хүрчээ.