Жүдочид шинэ оны эхний энэ өдрүүдэд улсын аваргаа тодруулах гэж байна. Жүдо бөхийн насанд хүрэгчдийн Улсын аварга шалгаруулах тэмцээн нэгдүгээр сарын 8-10-нд Яармаг дахь “Буянт-Ухаа” спортын ордонд болно. Жүдочид эрэгтэй, эмэгтэй долоон жинд өрсөлдөж, аваргууд тодрох бөгөөд энэ үеэр мөн шүүгчдийн сургалт зохион байгуулахаар төлөвлөжээ.

Тэмцээний эхний хоёр өдөр жингийн барилдаан үргэлжлэх бол 10-нд багийн барилдаан болох юм байна.