Хууль зүйн байнгын хорооны хуралдаанаар байнгын хорооны дарга нарын бүрэн эрх дуусгавар болж байгаатай холбогдох асуудлыг хэлэлцлээ. Ардчилсан намын бүолгийн зүгээс Хууль зүйн байнгын хорооны дарга Ш.Түвдэндоржийг улируулан сонгох санал оруулж ирсэн бөгөөд байнгын хорооны гишүүдээс 16 нь дэмжлээ.

 АН-ын зүгээс болон байнгын хорооны гишүүдийн зүгээс  Ш.Түвдэндорж Хууль зүйн байнгын хорооны даргын үүрэгт ажлаа үргэлжлүүлэн хийх боломжтой гэж үзэн, улиран сонгох боломжтой.  Гэхдээ хууль зүйн салбарын шинэчлэл бүхий багц хуулийн төслүүд хэлэлцэж, энэ шинэчлэлийн гол ачааг үүрэлцэх Хууль зүйн байнгын хороо хурлаа цаг алдалгүй хийж, байнгын хорооны дарга үүнд анхаарал хандуулж ажиллах нь зүйтэй гэсэн саналыг Хууль зүйн байнгын хорооны гишүүд хэлж байлаа. Хууль зүйн байнгын хорооны санал дүгнэлтийг пүрэв гаригийн УИХ-ын чуулганы хуралдаанд танилцуулж, батлуулах юм.