ТӨХ-ны даргаар ажиллаж байсан, Үндсэн хуулийн цэцийн гишүүн Д.Сугарт холбогдох хэргийг  сэргээн шалгаж байна гэх мэдээллийн талаар албаны эх  сурвалжаас тодруулахад “ Д.Сугарын хэргийг түдгэлзүүлээгүй. Мөрдөн байцаалтын ажиллагаа үргэлжилж байгаа. Гэхдээ Д.Сугар гэдэг хүний Үндсэн хуулийн цэцийн гишүүний бүрэн эрхийн асуудал байгаа учраас ажиллагаа удааширч байгаа зүйл бий. Бүрэн эрхийг нь түдгэлзүүлэх хүсэлт тавьсан ч цэц хүлээж аваагүй. Дахин хүсэлт тавиагүй байна”  гэлээ.

Түүнийг ТӨХ-ны даргаар ажиллаж байхдаа албан тушаал, эрх мэдлээ ашиглан бусдад давуу эрх олгож, төрийн өмчийн обьектуудыг хувьчилсан, МИАТ-ийн удирдлагуудын “угаасан” мөнгөнөөс хувь хүртсэн зэрэг хэд хэдэн үндэслэлээр буруутгаж буй юм.