Африкийн Уганда улсын парламентаас охид, эмэгтэйчүүдийг богино банзал өмсөхийг хориглосон хуучинсаг хууль баталжээ. Шинэ хуулийн дагуу Угандад өвдөгнөөс дээгүүр татсан ахар банзал өмссөн охид, эмэгтэйчүүд цагдаад баривчлагдан хуулийн хариуцлага хүлээх аж.

Угандагийн эрх баригчид садар самууныг сурталчилахын эсрэг хуулийн хүрээнд богино банзал өмсөхийг хорихоос гадна тачаангуй үгтэй дуу, видео зэргийг ч мөн хориглосон байна. Угандагийн парламентаас баталсан энэхүү хуучинсаг хуульд Ерөнхийлөгч нь гарын үсэг зурснаар хүчин төгөлдөр хэрэгжиж эхлэх юм.

Үүний зэрэгцээ Уганда улс нь ижил хүйстний эсрэг хатуу хуультай бөгөөд зарим тохиолдолд хуулийг зөрчсөн хүнд цаазаар авах ял оноодог гэнэ.