Далай ван сургуулийн багш Ардын боловсролын тэргүүний ажилтан н.Лхагвадоржийн нэрэмжит “Математикийн сорилго” олимпиад болж 80 гаруй сурагчид оролцлоо.

Хөвсгөл аймгийн анхны хувийн хэвшлийн Далай ван сургууль үүсэн байгуулагдсаны 10 жилийн ойн хүрээнд олон бүтээлч ажил зохион байгуулж байгаагийн нэг нь тус олимпиад юм. Мөрөн сумын найман сургуулийн сурагчид оролцсон олимпиад нь 11дүгээр анги төгсөгчдийг элсэлтийн ерөнхий шалгалтанд бэлтгэх их сорилго төдийгүй хариултын хуудсан дээр ажиллах дадлага туршлагатай болгох зорилготой аж. Олимпиадад Мөрөн сумын Эрдмийн далай цогцолбор сургуулийн 11 дүгээр ангийн сурагч Номин түрүүлж, алтан медалийн эзэн болсон аж.