Нийслэлчүүдэд зориулсан “Улаанбаатар мөнгөн шөнө” шинэ жилийн баярын цэнгүүн уламжлал ёсоор хуучин, шинэ оны заагт Чингисийн талбайд болно. Баярын цэнгүүнд дуучин, жүжигчин Д.Сарантуяа, реппер Дөлгөөн, “Гурван охин”, “A Sound”, “Lumino”, “DJ-1”, “Compass”, “Rec on”, “Colors” хамтлаг, дуучин A-Cool, реппер Rokitbay, “UFO”, реппер Gee, “The Lemons” зэрэг 50 гаруй уран бүтээлч оролцож, шинэ оны баяраа нийслэлчүүдтэйгээ хамт тэмдэглэнэ.

Хамгийн сонирхолтой нь, он солигдох мөчид Чингисийн талбай, Сонгинохайрхан дүүргийн Баянхошуу, Баянзүрх дүүргийн Шархад, Сүхбаатар дүүргийн Долоон буудал зэрэг дөрвөн байршлаас нүсэр гэгч нь ёслолын буудлага хийх гэнэ.