Төв аймгийн  Засаг даргын Тамгын газарт 2011 оны нэгдүгээр улиралд нийт 41 өргөдөл, санал хүсэлт ирүүлсэн байна. Засгийн газрын тогтоол, шийдвэр, үйл ажиллагаа, орон нутгийн төрийн захиргааны байгууллага, ажилтнуудын шийдвэр, өмч хувьчлал, өмчийн маргаан, төрийн өмчийн ашиглалт, үнэт цаасны зах зээл, байгаль орчин, ан амьтан, ой модыг хамгаалах, нөхөн сэргээх, орон сууц, газар эзэмших, өмчлөх, ажилд орох, гарах, чөлөө хүсэх, томилуулахтай холбогдсон хүсэлт, цалин хөлс, тэтгэвэр тэтгэмж, нөхвөр, хөнгөлөлттэй холбогдсон санал хүсэлтүүдийг ирүүлснийг холбогдох салбарын удирдах ажилтнууд шийдвэрлэн ажилласан байна.
Төв аймгийн Засаг даргаас гачигдалтай иргэдэд мөнгөн тусламж үзүүлэх журмын дагуу 8 удаагийн Захирамжаар 8 иргэнд 1.480.000 төгрөгийн тусламж, тэтгэмж олгож, 53 иргэнд 3.4 га газрыг өмчлүүлжээ. Мөн аймгийн ЗДТГ-ын хөдөлмөрийн дотоод журмын дагуу 6 хүнд 300.000 төгрөгийн тусламж үзүүлж ажилласан байна.  
“Нээлттэй өдөрлөг”-ийг Хууль зүйн хэлтэс, түүний харъяа агентлагууд Жаргалант суманд зохион байгуулж, өдөрлөгөөр Хууль зүйн зөвлөгөө, Нотариат, Иргэний бүртгэл, Архивын лавлагаа, хуулбар хувиар 250 гаруй иргэдэд  үйлчилж, 45 Төрийн албан хаагч, 500 гаруй иргэд оролцож мэдээлэл сонсч санал хүсэлт тавьсны дагуу гурван асуудлыг газар дээр нь шийдвэрлэжээ.
Мөн агентлагуудаас Мэргэжлийн хяналтын газар Батсүмбэр суманд, Цагдаагийн газар Зуунмод, Батсүмбэр, Заамар, Баяндэлгэр сумдад, Хөдөлмөр халамжийн үйлчилгээний хэлтэс Жаргалант суманд “Нээлттэй өдөрлөг”-ийг тус тус зохион байгуулав.