Дорнод аймгийн эдийн засаг, нийгмийг 2011 онд хөгжүүлэх үндсэн чиглэлд тусгагдсаны дагуу “Хөрш зэргэлдээ гурван улсын аялал жуулчлал” сэдэвт өдөрлөг энэ сарын 28-29-ны өдрүүдэд болж өндөрлөлөө. Уг арга хэмжээг аймгийн Засаг даргын Тамгын газар, Худалдаа аж үйлдвэрийн танхим болон холбогдох байгууллагууд хамтран зохион байгуулж байгаа бөгөөд энэ үеэр Монгол туургатны үндэсний хувцасны наадам, Бүс нутгийн хилийн худалдааг хөгжүүлэх бизнес форум, “Зүүн бүсийн аялал жуулчлалын хөгжлийн өнөөгийн байдал, чиг хандлага” олон улсын эрдэм шинжилгээний бага хурал, үзэсгэлэн худалдаа, “Аялал жуулчлалын боловсон хүчнийг бэлтгэх нь” уулзалт ярилцлага зэрэг олон талт арга хэмжээг зохион байгуулсан байна.