Өсвөр үеийн долоо дахь удаагийн Азийн аварга шалгаруулах тэмцээн БНХАУ-ын Хайнань хотноо боллоо. Энэхүү тэмцээнд Ази тивийн 22 орны жүдочид өрсөлдсөн байна.

Монголын жүдочдоос эрэгтэйчүүдийн 81 кг-д Э.Мөнхжаргал алтан медаль хүртсэн бол эрэгтэйчүүдийн 60 кг-д Ц.Цогтбаатар, эмэгтэйчүүдийн 48 кг-д Э.Энхрийлэн, 57 кг-д Б.Хулан, 70 кг-д н.Хонгорзул нар мөнгөн медаль, 52 кг-д н.Алтанцэцэг, 63 кг-д н.Даваасүрэн нар хүрэл медалийн эзэн болжээ.