Нийгмийн Ардчилсан Монголын залуучуудын холбоо /НАМЗХ/-оос "Монгол Улсын 76 шийдэл асуудал"-ын хүрээнд Чингисийн талбай тайван суулт маргааш зохион байгуулна. Тэд Сүхбаатар дүүргийн Засаг даргын Тамгын газарт тайван суулт хийх бичгээ өгснийг дүүргээс зөвшөөрсөн бөгөөд маргааш 13.00-15.16 цагийн хооронд буюу 76 минутын тайван суулт хийхээр болжээ.

Сүхбаатар дүүргийн Цагдаагийн хэлтэсээс “жагсаал  цуглаан хийх журмын дагуу нийгмийн хэв журамд хохиролд учруулж, эмх замбараагүй байдал бий болгох, төрийн байгууллагад аливаа дарамт шахалт үзүүлэх, дотоод хэрэгт нь хөндлөнгөөс оролцох зэрэг хууль зөрчихгүйгээр тайван суулт хийхийг зөвшөөрсөн” байна.

НАМЗХ-оос Монгол Улсад тулгамдсан 76 асуудлыг олон нийтийн санал асуулгаар тодруулж, УИХ-ын гишүүдээр шийдүүлэх зорилготой юм байна. Чингисийн тайлбайд жагссанаар 76 асуудлыг олон нийтэд танилцуулж, УИХ дахь МАН-ын гишүүдээр дамжуулан шийдвэрлүүлэх зорилготой аж.