Хүн гэдэг амьтан энэ хорвоо дээр яах гэж төрдөг юм бэ? Юутай ч олон
хүнийг баярлуулж, инээлгэж ирсэн нь үнэн юм чинь хэзээ нэг өдөр бас 
олон хүнийг гуниглуулж, уйлуулж буцах нь үнэн. Гэхдээ  ертөнцийн энэ
хоёр хуульний дунд орших амьдралын амтыг амтлах гэж бусдыг зүтгүүлнэ,
өөрөө зүтгэнэ. Тэгвэл амьдралын тэр амт ямар байхаараа амттай, ямар
байхаараа гашуун байдаг юм бэ? Бусдыг зүтгүүлж, өөрөө зүтгэж байхдаа
чухам юуны төлөө вэ?