Аюулгүй байдал, гадаад бодлогын болон Хууль зүйн байнгын хорооны хамтарсан хуралдаан Л.Цог гишүүнд бум бужигнаж, түм түжигнэсэн худалдааны төв буюу зах шиг санагдав. Үүнийгээ ч нуулгүй хуралдаан даргалагчид хэлж буй харагдсан. Тэрбээр ийн­хүү байнгын хорооны хурал­даа­ныг захтай зүйрлэсэн нь гишүүдтэй шууд холбоотой. Тодруул­бал УИХ-ын гишүүд ямар ч зохион байгуулалтгүй ам амандаа бувтнаж, хэн нь юу яриад байгаа нь мэдэгдэхгүй байсан нь Л.Цог гишүүний дургүйцлийг хүргэчих шиг болсон. Тиймдээ ч “Ц.Цолмон дарга аа, зохицуулаач ээ, ямар зах дээр байгаа биш” хэмээн хэлсэн юм.