2014 онд Бразил улсад болох хөлбөмбөгийн дэлхийн аварга шалгаруулах тэмцээнд оролцох шигшээ багуудыг хэсэг болгон хуваах сугалаа арванхоёрдугаар сарын 6-нд буюу ирэх баасан гаригийн шөнө 03:00 цагаас /Улаанбаатарын цагаар/ болно. Одоогоор 2014 оны хөлбөмбөгийн ДАШТ-д оролцох 32 багийг чансаагаар нь дөрвөн сагс болгон хуваарилаад байна. Нэг сагсанд багтсан улсууд хоорондоо таарахгүй. Жишээлбэл, Бразил нэгдүгээр сагсанд бол сагс 2, сагс 3, сагс 4 тус бүрээс нэг нэг багтай хэсэг болон хуваагдана. Харин сагс хоёрт одоогийн байдлаар долоон баг багтсан. Найм дахь багийн арванхоёрдугаар сарын 6-ны сугалаагаар тодруулах юм.

32 шигшээ багийг Олон улсын хөлбөмбөгийн холбоо /ФИФА/ хэрхэн хуваасныг сонирхъё.

Сагс 1:

• Бразил
• Испани 
• Герман 
• Аргентин 
• Колумб 
• Бельги 
• Уругвай 
• Швейцарь

Сагс 1-д Олон улсын хөлбөмбөгийн холбооноос /ФИФА/ гаргадаг чансааг тэргүүлэгч долоон баг байна. Мөн тэмцээнийг зохион байгуулагч Бразил улс Сагс 1-д ордог учиртай. Эдгээр багууд хэсгээ тэргүүлэн тэмцээнд оролцдог.

Сагс 2:

• Чили
• Зааны ясан эрэг  
• Эквадор 
• Гана 
• Алжир 
• Нигери 
• Камерун

Сагс 2-т хөлбөмбөгийн ДАШТ-д оролцохоор Өмнөд Америк, Африк тивийн шигшээ багууд багтсан. Мөн эдгээр долоон баг дээр Сагс 4-өөс нэг баг нэмэгдэнэ.

Сагс 3:

• АНУ
• Мексик 
• Коста-Рика 
• Гондурас 
• Япон 
• Иран 
• БНСУ 
• Австраль

Сагс 3-т Хойд Америк, Ази тивээс ДАШТ-д оролцох багууд багтсан.

Сагс 4:

• Нидерланд
• Итали 
• Англи 
• Португаль 
• Грек 
• Босни Герц. 
• Хорват 
• ОХУ 
• Франц

Сагс 4-т Европ тивээс хөлбөмбөгийн ДАШТ-д оролцох эрхээ авсан 13 багийн ес нь багтсан. Энэ сагсны нэг шигшээ баг Сагс 2-т сугалаагаар багтдаг. Ингэснээр хөлбөмбөгийн ДАШТ-д нэг хэсэгт 2-3 Европ тивийн баг багтах болдог.