Засгийн газраас төрийн үйлчилгээг иргэдэд ойртуулах зорилгоор ТҮЦ машиныг дүүрэг, хороодод суулгаад байсан бол өнөөдөр 21 аймагт зэрэг нээлээ. ТҮЦ машиныг суурилуулах нээлт Архангай аймагт болсон бөгөөд Ерөнхий сайд болон Засгийн газрын зарим гишүүд оролцлоо.

Эхний ээлжинд аймаг тус бүрт нэг ТҮЦ машиныг байрлуулж байгаа бөгөөд цаашид энэ тоог нэмэгдүүлэхээр төлөвлөөд байгаа аж. Ерөнхий сайд Н.Алтанхуяг өнөөдөр Архангай аймагт ажиллаж байгаа бөгөөд тус аймгийн иргэдтэй уулзах, бүтээн байгуулалтын ажлуудтай тус тус танилцах юм байна.