Тагнуулын ерөнхий газрын ажилтнууд манай улсын хилээр их хэмжээний буюу 18 килограмм алт хууль бусаар гаргах гэж байсныг илрүүлсэн байна. Тодруулбал, Монгол Улсын дөрвөн иргэн өчигдөр өглөө Замын-Үүд-Эрээний чиглэлийн олон улсын галт тэргээр их хэмжээний алт хууль бусаар гаргахаар завдсан байна.

Хэргийг Тагнуулын ерөнхий газарт үргэлжлүүлэн шалгаж байна. Эх сурвалжийн хэлж буйгаар "Хөдөө орон нутгийн гар аргаар алт олборлож байсан иргэдээс алт худалдаж авсан алтаа хилээр гаргах гэж байсан. Хилээр гаргаад Хятадын алт авдаг хүмүүст өндөр үнээр худалдаалдаг" хэмээн мэдүүлээд байгаа гэнэ.