Аймгийн ЗДТГ-ын НХХ болон Хөдөлмөрийн хэлтсээс хамтарч Даланзадгад сумын ажил хөдөлмөр эрхэлдэггүй иргэдийг хүлээн авч уулзлаа. Уулзалтаар ажил хөдөлмөр хайж байгаа иргэд Хөдөлмөрийн хэлтсээр дамжуулж хэрхэн ажил хайх, ажлын байртай болох боломж нөхцөл болон хэрэгжүүлж байгаа төсөл, хөтөлбөрийн талаар мэдээлэл өгч сонирхсон асуултанд нь хариулсан байна. 

Өмнөговь аймгийн хувьд энэ жилээс эхлэн Хөдөлмөрийн хэлтэс шинээр байгуулагдсантай холбогдуулан ажил хөдөлмөр эрхлэлт эрхлэх, ажил хайхад илүү төвлөрсөн, зохион байгуулалттай болсоноор нэг дэвшилт болж байгаа юм. Тус хэлтсийн хувьд энэ оны 11 сарын байдлаар 923 ажлын байрны захиалга бүртгэгдэж, 499 иргэн ажил хайгчаар бүртгүүлсэн мэдээтэй байна.