Харилцаа холбооны зохицуулах хорооноос үүрэн болон
суурин телефоны оператор компаниудыг шалгахаар болсон байна. Тодруулбал, сүүлийн үед харилцаа холбооны компаниудтай холбоотой санал гомдол иргэдээс их
ирж байгаа бөгөөд Засгийн газрын "11-11" тусгай дугаарт хандагсдын 18 хувь
нь үүрэн холбооны компаниудын үнэ тарифтай холбоотой ямар нэгэн гомдол санал хэлдэг аж.

Тус хорооноос ШӨХТГ, Оюуны өмчийн газар болон цагдаагийн
байгууллагатай хамтран уг шалгалтаа ойрын хугацаанд хийхээр төлөвлөж байгаа бөгөөд тэд компаниудыг үнэ тариф техник тоног төхөөрөмж зэрэг таван чиглэлээр
шалгах юм. Дашрамд дуулгахад,
харилцаа холбооны компаниудыг 2004 оноос хойш шалгаагүй бөгөөд улсын хэмжээнд 10 орчим компани үйлчилгээ үзүүлж байна.

Н.ГЭГ