Эрх баригчид төрийн өмчит компаниудын тоог цөөлж, хувийн хэвшлийнхнийг дэмжихийн зэрэгцээ Үндэсний баялгийн санг байгуулах чиглэл барьж ажиллахаар болжээ.

Ерөнхийлөгч Цахиагийн Элбэгдоржийн хэлснээс эх сурвалж аван "South China Morning Post" энэ талаар мэдээлсэн байна. Дээрх чиглэлд ажил хийгдсэнээр төр ачаанаасаа салж, алдагдалтай ажилладаг компаниуд хувийн өмчид шилжсэнээр амьдрах чадвар нь илүү сайжирна гэж үзэж байгаа юм байна.

Хувьчлагдах компаниудын тоонд эхний ээлжинд Шивээ-Овоо, Багануурын нүүрсний уурхай цаашлаад өөр бусад компаниуд ороод байгаа ажээ.