Монголын уулын хөтөчдийн холбоо, Адал явдалт аяллын “Монголиа Экспедишнс” компаниас Монголын уулчдын техник ур чадварыг дээшлүүлэх, туршлага солилцох, шинэ залуу уулчдыг бэлтгэх, мөсөн хананд авирах спортыг хөгжүүлэх зорилгоор хамтран зохион байгуулдаг мөсөн хананы авиралт удахгүй болох гэж байна. Энэ удаагийн авиралт арванхоёрдугаар сарын 6-наас 8-ны хооронд Монгол орны байгалийн үзэсгэлэнт газруудын нэг Орхон голын Улаан Цутгалангийн хүрхрээнд болох аж.

Мөсний авиралт уулчид болон аялагчдад нээлттэй бөгөөд оролцогчдын дунд багийн, эрэгтэй, эмэгтэй гэсэн гурван төрлөөр мөсний авиралтын тэмцээн зохион байгуулах юм байна.

Мөсний авиралтад оролцохыг хүсэгчид “Монголиа Экспедишнс” компани, info@mongolia-expeditions.com хаягаар мэдээлэл авах буюу 99002282 дугаарын утсаар холбогдож болно.