Монголын хамгийн баян хүмүүсийн тоонд УИХ-ын гишүүд багтаж байгааг гадаадын хэвлэлүүд онцолж байна. Тодруулбал, "Mining com" сайт Монголын төрд удсан улстөрчдийн хөрөнгө  улс орны эдийн засгийн өсөлтөөс давж хурдтайгаар нэмэгдэж байгааг тодорхой баримттайгаар мэдээлсэн байна. Монголын төрийн дээд болон дунд шатны албан хаагчдын хөрөнгө оруулгын мэдүүлэг дээр үндэслэж уг мэдээллийг цацжээ. Тус сайт Монголын улстөрчдийн хөрөнгө нэг их наяд төгрөг болж байгааг дурдаад, УИХ-ын 76 гишүүн дундаас Үйлдвэр хөдөө аж ахуйн сайд Х.Баттулга, АН-ын гишүүн Г.Батхүү нарын топ дөрвөн баяны эзэмшиж байгаа нийт хөрөнгийн хэмжээ энэ мөнгөний 64 хувийг эзэлж буйг сонирхуулсан байна.